Lestu nýjustu greinarnar á Vefritinu:

Tæpitungulaust

10. ágúst 2009
Það sem þið vissuð ekki um Davíð
Unfortunately, he appears to have had no expertise in economics and banking and was ineffective at either averting the financial crisis or playing a positive role in its aftermath.

Anne Sibert, sem situr í peninganefnd Seðlabankans, lýsir hæfni Davíðs Oddssonar sem fyrrverandi seðlabankastjóra í grein sinni á www.voxeu.org.
17. júlí 2009
Saari fyrir og eftir
Sá fyrirsláttur Sjálfstæðisflokks að það þurfi fyrst að kjósa um aðildarviðræður er ömurleg birtingarmynd kjarkleysis þeirra sem ekki einu sinni þora að viðurkenna að þeir hafi skoðun á móti ESB.

Vefritið tekur undir orð Þórs Saari, þingmanns, frá því deginum fyrir kosningar nú í vor. Hann sjálfur virðist hins vegar ekki deila þeirri skoðun lengur.
6. maí 2009
Gullkorn úr fréttunum
Þeir sem Fréttastofan hefur rætt við um málið og spáð hafa í spilin eru sammála um að Arnór Sighvatsson eigi stöðu aðstoðarseðlabankastjóra vísa. Og það dregur töluvert úr líkunum á því að Már [Guðmundsson] verði ráðinn seðlabankastjóri. Því eins og einn viðmælenda Fréttastofu orðar það yrði það þá í fyrsta skipti í veraldarsögunni að fyrrverandi trotskyisti og maóisti fara saman með þessi embætti. Már var formaður Fylkingarinnar á sínum tíma og Arnór tilheyrði EIK eða Einingarsamtökum kommúnista.

Vísir.is, 6. maí
20. apríl 2009
Á réttri leið

Stjórnin hefur náð tökum á hinu erfiða ástandi, gert nauðsynlegar breytingar í lykilstofnunum, komið uppgjörsmálum vegna hrunsins í trausta farvegi og náð þeim árangri við útfærslu endurreisnaráætlunar AGS að nú hillir undir að bankarnir fari að geta starfað eðlilega fyrir atvinnulíf og heimili. Margvísleg mildandi úrræði fyrir heimili og fyrirtæki hafa verið innleidd þrátt fyrir þröngan fjárhag. Fleiri úrræði munu þurfa að fylgja. Fólk finnur að málin eru að fara í rétta átt.

Stefán Ólafsson, 25. apríl
12. apríl 2009
Þeir lengi lifi!
Og einsog veislustjórinn sagði að þá er veitt svo vel hér að það er ekki hægt að klappa þannig að við verðum að hrópa húrra fyrir þessum mönnum: Þeir lengi lifi, húrra, húrra, húrra, húrra.

Davíð Oddsson, þá forsætisráðherra, þegar Samsonhópurinn var valinn maður ársins hjá Frjálsri verslun 2002.
10. apríl 2009
Facebook lýgur aldrei
Hvers vegna ætli Sveinn Andri hafi ekki borið þessar fullyrðingar undir mig, áður en hann setti þær á prent? Sveinn Andri fellur á eigin bragði.

Björn Bjarnason dregur þá skotheldu ályktun að sömu lögmál eigi að gilda um skrif á Facebook og í Morgunblaðið. Bjorn.is, 9. apríl.
7. apríl 2009
30.000.000 kr.
FL Group styrkti Sjálfstæðisflokkinn um þrjátíu milljónir króna aðeins nokkrum dögum áður en lögum var breytt um hámarksframlög til stjórnmálaflokka. Skattrannsóknarstjóri hefur reikning um þennan styrk meðal annars til rannsóknar.

Vísir. 7. apríl.