Það hefur eiginlega verið sorglegt að fylgjast með Borgarahreyfingunni síðustu vikur. Ég hef aldrei tekið þátt í starfi hreyfingarinnar né hef ég heldur verið sérstakur stuðningsmaður hennar, en mér fannst samt gaman að sjá hvernig þeim tókst að fá fjóra menn á þing eftir afar stutta kosningabaráttu. Kjörfylgi Borgarahreyfingarinnar var einnig til marks um að margir voru orðnir leiðir á (mis)gömlu stjórnmálaflokkunum og höfðu ekki trú á því að þeir gætu gert þær breytingar sem þjóðin þarfnast. Svo höfðu margir, jafnvel þeir sem kusu aðra flokka, gaman af því hvernig hreyfingin hristi örlítið upp í hinni hefðbundnu pólitík og hvernig frambjóðendur hennar töluðu e.t.v. meira mannamál en frambjóðendur annarra flokka.
Lýðræðisumbætur og engin spilling
Stefnuskrá Borgarahreyfingarinnar fyrir kosningar var ekki löng en hún miðaði einna helst að því að útrýma spillingu í stjórnkerfinu, endurreisa samfélagið hratt og auka lýðræði. Persónukjör, stjórnlagaþing, tengsl við grasrótina og þjóðaratkvæðagreiðslur í umdeildum málum voru allt hlutir sem Borgarahreyfingin vildi berjast fyrir. Í öðrum málum áttu svo þingmenn hreyfingarinnar að kjósa samkvæmt sannfæringu sinni. Í aðdraganda kosninga var umræða um Evrópusambandið áberandi og Borgarahreyfingin talaði á þá leið að gefa ætti þjóðinni kost á að kjósa um aðild eftir að samningur lægi fyrir. Eðlileg niðurstaða miðað við þær lýðræðisáherslur sem voru áberandi í málflutningi hreyfingarinnar.
Ég geri ekki neitt fyrir þig af því þú gerir ekki neitt fyrir mig
Nú óttast sennilega margir, og aðrir eflaust vona, að Borgarahreyfingin sé búin að vera. Það virðist sem þingmenn hreyfingarinnar hafi yfirgefið allt sem hreyfingin stóð fyrir í kosningabaráttunni. Ætli niðursveiflan hafi ekki hafist fyrir alvöru þegar umræður um aðildarumsókn að Evrópusambandinu fóru fram á þinginu. Þingmenn flestra flokka höfðu margar og mismunandi skoðanir á því hvort ætti að sækja um aðild og aðrir lögðu til mismunandi útfærslur, s.s. tvöfalda þjóðaratkvæðagreiðslu. Borgarahreyfingin tengdi málið við Icesave og sagðist ekki geta samþykkt aðildarumsókn nema farið yrði að kröfum þeirra í því máli. Þetta fannst mér skrýtið. Þarna er um algjörlega óskyld mál að ræða (þótt einn og einn útlenskur ráðherra haldi öðru fram) og þar að auki var Icesave málið enn í nefnd og átti eftir að fara marga hringi þar inni, eins og við þekkjum nú öll. Mér fannst þetta bera keim af gamaldags pólitík þar sem hrossakaup og bitlingar voru í algleymi. Hvað varð allt í einu um lýðræðið? Það að þjóðin fengi að kjósa um aðild þegar forsendur samnings lægju fyrir? Hvað varð um að yfirgefa gömlu pólitíkina? Hvað varð um að fylgja stefnu hreyfingarinnar?
Og leiðin lá niður á við
Og ekki batnaði þetta eftir tölvupóstsklúðrið. Annað hvort fór Þráinn í fýlu eða Birgitta, Margrét og Þór fóru í fýlu. Stjórnin rembdist við að sætta fólk. Margrét sendi tölvupóst sem var annað hvort fullur af ást og umhyggju eða ærumeiðingum í garð Þráins. Enn meiri fýla, Þráinn hættir og stjórnin meira og minna segir af sér. Í venjulegu árferði væri ekki einu sinni búið að setja þingið eftir kosningar en nú er einn þingflokkurinn búinn að springa í loft upp.
Borgarahreyfingin hefði e.t.v. átt að fara aðeins varlegar í að úthúða hinum flokkunum. Þeim virðist allavega ekki farast pólitík af neinu tagi betur úr hendi. Síðan er bara spurning hvort Borgarahreyfingin getur endurheimt traust kjósenda sinna á ný.
Heimildir:
http://www.borgarahreyfingin.is/stefnan/
Af hverju mega ekki vera átök í nýjum flokki? Ef Íslendingar væru ekki svona feimnir við átök væri staðan líklega allt önnur í þjóðfélagi þöggunarinnar!
Það sem ekki hefur komið fram í þessum átakamálum innan Borgarahreyfingarinnar er að stjórnin var klofin í afstöðu til þingmanna. Sumir vildu ekki taka tillit til þess að þingmenn væru á nefndarfundum á kvöldin og gætu ekki mætt á fundi með grasrót. Og túlkuðu það þannig í fjölmiðlum að þingmenn vildu ekki vera í tengslum við grasrót. Það var bara ekki rétt en sumir stjórnarmenn voru ekki hæfir til að taka á málum og æstu liðið upp á móti hvert öðru sí og æ. En þingmenn hafa verið svo kurteisir að lísa ekki í fjölmilðlum hvað raunverulega hefur gengið á!
“Það virðist sem þingmenn hreyfingarinnar hafi yfirgefið allt sem hreyfingin stóð fyrir í kosningabaráttunni.”
Þetta er fáránleg staðhæfing, þú veist vel að einu mistökin liggja í atkvæðagreiðslu um ESB. Það er á engan hátt hægt að segja að BH hafi misst sjónar á öllum sínum stefnumálum þó svo að ESB sinnum finnist sína mál merkilegust.Hreyfingin hefur unnið vel á þingi eins og hægt er að lesa um á blogginu hjá Friðrik Þór.
http://www.lillo.blog.is/blog/lillo/
Þó svo að allir Samfylkinarvinir þínir Dagný, keppist níu við að lýsa yfir dauða hreyfingarinnar eru slíkar frásagnir mest óskhyggja. Haldinn var góður og jákvæður stjórnarfundur í gær, góð mæting var á fundinum og má segja að erfiðleikar síðustu daga hafi þjappað félagsmönnum saman.
http://www.borgarahreyfingin.is/2009/08/19/stjornarfundur-borgarahreyfingarinnar-þriðjudagur-18-agust-klukkan-2000/
Næst geturu kannski skrifað um hvað Borgarahreyfingin er nýstárleg og opinn þar sem frjáls skoðanaskipti eru á vefsíðu félagsins og stjórnarfundir opnir öllum. Eitthvað sem aðrir flokkar þora ekki að gera.
ég hef heyrt gagnrýnis raddir gagnvart
borgarahreyfingunni magnast upp í smá tíma og
leiðinlegast við það er að gagnrýnin á ekki við
rök að styðjast. þeir sem gagnrýna eru ekki
vonsviknir stuðningsmenn heldur frekar bitrir og
vonsviknir andstæðingar. margir þeirra hrósa
stefnuskrá flokksins af kappi um leið og þeir
Telja að hún hafi verið brotinn. (en sáu sér ekki
fært að kjósa hana ) heldur kjósa fyrir stefnu
flokka sem Aldrei hafa staðið við sitt? og þegar
mörg stefnumál eru saman kominn hlýtur eitt að
hafa forgang fyrir annað. umsókn um
evrópusambandið hafði aldrei forgang fyrir
réttlæti, Lýðræðisumbætur og útrýmingu spillingar
í stjórnkerfinu. svo þegar evópusambandið setti
icesave sem skilyrði fyrir umsókn og IMF fyrir
lánum. þá getur hreyfinginn engann vegin kosið
með umsóku um inngöngu? en þráinn átti aldrei
heima í hreyfingunni, hann mætti aldrei á mótmæli
hann er hlyntur flokkapólitíkinni og kerfinu eins
og það er.. “Síðan er bara spurning hvort
Borgarahreyfingin getur endurheimt traust
kjósenda sinna á ný.” hreyfinginn er með
margfallt hreinni skjöld heldur en flokkar/ur sem
fengu 90% athvæða samtals??? hvaðan heldur þú að
óhróurinn sé kominn? ég get skrifað hellings skít
um þráinn eins og margrét(það er ekki
mannorðsmorð) það á bara rétt á sér að mínu mati.
ef hann var með mannorð þá drap hann það alveg
sjáfur.. og síðast en ekki síst þegar birgitta er
með “frékju” og “dónaskap” á þingi þá finnst mér
“hæstvirtur” og “virðulegur” alls ekki eiga við
þá drullusokka sem sitja á þingi og klóra sér í
rassgatinu.
Borgarahreyfingin er búin að vera og Hreyfingin er andvana fædd. Hvorugt þessara afla mun eiga þingmenn eftir næstu kosningar,