Einn duglegasti bloggari landsins, Lára Hanna Einarsdóttir, birti mjög áhugavert myndband á bloggsíðu sinni sem Kaupþing lét gera fyrir starfsmenn sína. Ætlunin var að hvetja starfsmenn til dáða þar sem skilaboðin voru þau að bankinn gæti vaxið endalaust mikið. Árangri bankans var líkt við fólk á borð við Marthin Luther King, Nelson Mandela, Albert Einstein, Móðir Teresa, Bill Gates og fyrstu everestfaranna.
What is Kaupthinking? er spurt í myndbandinu. Svarið er einfalt: beyond normal thinking. Það er m.ö.o. fullyrt að rekja megi árangur bankans til þess hugarfar bankans hafi verið svo ótrúlegt að það var ofar eðlilegri hugsun.
Aðferðir bankans
Bankinn náði sínum frábæra árangri (skv. myndbandinu) með hugarfarinu: We can if we think we can. Þeir tóku nokkur dæmi um einstaklinga með slíkt hugarfar. Eitt dæmi þeirra var af Marthin Luther King sem vildi breyta bandarísku samfélagi. Hann gat það, af því hann trúði því. Annað dæmi tóku þeir af geimförum. Af hverju gátu fyrstu geimfara ferðast út í geim? Af því að því að þeir trúðu því að það væri gerlegt. Með Kaupthinking er allt gerlegt svo lengi sem maður trúir því að það sé mögulegt.
Að sama skapi vildi Kaupþing stækka. Bankinn stækkaði gífurlega, hann tvöfaldaði stærð sína á hverju ári í átta ár. Bankinn náði því bara af því að hann trúði því að það væri gerlegt. Bankinn trúði því einnig að hann gæti stækkað efnahagsreikninginn sinn. Þeir stækkuðu hann um 500% á einungis þremur árum. Bara af því að þeir trúðu því. Hugarfar bankans (Kaupthinking) kalla þeir beyond normal thinking.
Veruleikinn
Eftir á hyggja er nokkuð ljóst að tímabundinn árangur bankans skýrist ekki af Kaupthinking. Sé veruleikinn einfaldaður smávegis má segja að árangur þeirra hafi einungis skýrst af því að allt sem bankinn keypti hækkaði í verði um nokkurra ára skeið og á sama tíma var mjög auðvelt var að fá lán í útlöndum. Þegar á reyndi stóðst bankinn ekki erfiðar aðstæður. Þegar eignir bankanna rýrnuðu og erfiðara var að fá lán í útlöndum fóru bankarnir á hausinn. Kaupthinking var því ekkert annað heldur en viðskiptamunstur sem bar mikinn árangur um nokkurra ára skeið vegna markaðaðstæðna, en ekki beyond normal thinking.
Getur verið að þú sért öfundsjúkur þar sem efnahagsreikningur þinn hefur nánast staðið í stað síðustu ár? Og það má ekki taka núvirt framtíðartekjustreymi með í reikninginn!